PSG hi buaina siamtu club a ni - Mbappe

Kylian Mbappe chuan a club khelh mekna Paris Saint-Germain chu buaina siam club tihin a sawi a, France striker hmalam hun hi a chiang lo zel.

PSG-a kum 24 mi Mbappe contract neih lai hi 2024 hian a tawp dawn a, club tana goal khung tam ber record kawltu hian season khat chiah a nei tawh. Mbappe hian contract a pawtsei loh tur thu a tichiang a, club chairman chairman Nasser Al-Khelaifi chuan France striker hi a thlawna a chhuahtir loh tur thu a sawi thung.

Hetiang boruak ṭha lo karah hian Mbappe chuan, "PSG tana khelh hian min pui lo. A chhan chu team inṭhendarh duhtu an nih vang a ni. Keini lam chuan Champions League-ah pawh kan theihna zawng zawng kan chhuah. Hei bak hi sawi theih ka nei lo. Ka sawi bak hi in hriat duh chuan club thuneitu, he team dintute hi inbiak a ṭul," tiin France Football magazine a hrilh a, buaina siamtu ang hialin a chhuah.

Mbappe hian kum 2017 khan PSG hi a zawm a, Ligue 1-ah vawi nga a champion pui tawh. Season liam ta khan Mbappe hian goal 41 a khung a, World Cup final-a hattrick siam thei a nih bawk avangin tun dinhmuna khawvela player ṭha bera ngaitu pawh an tam.

Chutihrualin PSG hian Luis Enrique an la thar a, Barcelona manager hlui hian Spain team-ah pawh Real Madrid a ko lo ngam (Euro 2020). Hei vang hian Mbappe-a'n kawhmawh a bawl a nih chuan chelh lui chu sawi loh, chhuahtir ngei a duh ang.