Onana thlaktu tur Sommer?

Inter Milan-in Andre Onana an chan theih avangin a thlaktu tur an ngaihven nghal. Serie A club hian Bayern Munich aṭangin Yann Sommer chu euro maktaduai ruk velin lak theih an inbeisei a, chutihrualin Inter hian Onana chhuahfel hnuah chauh Bayern hi an dawr ang.

Switzerland keeper Sommer hian kumin kumtir khan Borussia Monchengladbach aṭangin Bayern a zawm a, Manuel Neuer inhliam vangin Bavarians-ah no. 1 lailawk a ni.

Season liam ta tawp lam khan Neuer hi a dam tawh a, season bul aṭanga a inlan theih tawh dawn avangin Sommer tan khelhna chan a har dawn. Inter tan Sommer lakluh hi a harsat a rinawm loh.

Inter second keeper Samir Handanovic chu chhuak tura sawi a ni bawk. Italian club hi Ukrainian keeper Anatolij Trubin nen sawizawm a ni bawk a, nipui bazarah keeper pahnih lakluh an tum dawn a ni.