Tu nge Lee Carsley?

England champion puitu Lee Carsley hi Republic of Ireland international hlui niin, Derby County, Blackburn Rovers, Coventry City, Everton, Birmingham City leh Coventry City tana khel ṭhin a ni.

Player a nih laia defensive midfielder ṭhin hian a club hlui Coventry City-ah kum 2012 leh 2013 khan coach lailawk hna chelhin, a coaching career a ṭan a, England U21 hma hian Brentford Development Squad, Brentford, Manchester City U18, Birmingham City U23, Birmingham City (coach lailawk) leh England U20 te a lo enkawl tawh.

Kum 49 mi coach hian England U21-ah hian thla 12 contract la neiin, hei hi tihtawp theih reng dinhmunah a ding bawk. Mahse, final khelh hma khan English FA chuan kum thum dang atan contract thar an zawrh niin an sawi.

England U21 coach Lee Carsley chuan, "Ka player-te hian he nomawi chawi hi an phu a ni. An thawkrimin, engtiklai pawhin theihtawp an chhuah reng a ni," a ti a, an naute chu an champion chhan an nih thu a sawi.