MFA-in Lianzuala chawimawi dawn

Mizorama football thuneitu sang ber Mizoram Football Association chuan Lallianzuala Chhangte lawmpuina leh chawimawina hun a buatsaih dawn. AIFF Player of the Year Lianzuala chawimawina hun hi July 12, Nilaini zan hian Hyve Aizawl City Hall-ah hman a ni ang.

Lianzuala hian SAFF Championship-ah India a champion pui a, final-ah Kuwait lakah si phurh sutna goal pawimawh a khung a, penalty shootout-ah a pet goal leh bawk.

Lunglei tlangval hian season ṭha tak a hmang; ISL 2022-23 Hero of the League-ah thlan a ni a, Hero Tri-Nation Series-ah India champion puiin Player of the Tournament-ah thlan a ni a, FPAI Indian Player of the Year-ah thlan a ni bawk.

A record duhawm tak avang hian Lianzuala hi AIFF chuan a phu ang ngeiin Player of the Year atan a thlang a; Jeje Lalpekhlua hnua Mizo zinga AIFF Player of the Year ni leh thei hmasa ber niin MFA chuan kum 2016 khan lawmpuina leh chawimawina a lo hlan tawh bawk a ni.