MFA Futsal: July 14 thleng registration hawng dawn

Mizoram Football Association hnuaia MFA Futsal League leh Division One club-te tan Club & Player/Club Official register hun hawn mek a ni a, club registration bik hi July 14 hian khar a ni ang.

Chutihrualin player/club official registration bik erawh CRS/CMS hman tawh tur a nih avangin Player/Team Official Registration hi August 31, 2023 thleng hawn a ni ang.

MFA hnuaiah hian futsal inelna pahnih MFA Futsal League leh Division One a awm. MFA Futsal League hi a sang ber a ni a, club 14 awmin a duh nazawng tan tel theih a ni lo.

Futsal League-ah hian FC Thyristor (Ramhlun Venglai), Ramhlun South FC, Lawmna FC (Dinthar), Zonuam FC, Saron Veng FC, LM FC (Durtlang), Goshen FC (Siphir Venghlun), Thlangtiang FC (Luangmual), Senator FC (Tuikual South) leh Armed Veng South FC te chu team awmsa an ni. Kai thar pali Tlangnuam FC, Tuikhuahthlang FC, Cici FC (Dinthar) leh Republic FC te an awm bawk.

Division One-ah erawh a duh apiang tan tel theih a ni thung. 2022-23 Season lo khel tawh tan registration fee Rs 5,000 a ni a, club thar din tur tan Rs 1,000-in a to hret - Rs 6,000 chawi a ngai ang.

Registration ti tur tana hriattur pawimawh

1. Division One-ah hian a duh apiang tan inziah luh theih a ni ang.

a) 2022-23 Season lo khel tawh tan Registration Fee Rs 5,000/-. (Club, Player/Team Official Registration Fee)

b) New Club Registation Fee Rs 6,000 (Club, Player/Team Official Registration Fee)

c) 2023-24 MFA Futsal League Club tan Club Registration Fee Rs 4,000/- a ni a, July 13, 2023 ral hmain tihfel vek tur a ni. League Club kai tharten Security Deposit Rs 10,000/- chu July 13, 2023 ral hmain submit fel tur.

d) 2023-24 aṭang hian MFA Futsal League-ah hian CRS/CMS hman tawh tur a nih avangin Player/Team Official Registration hi August 31, 2023 thleng a ni thung ang a, hemi chungchang hi MFA Regisration Committee-te nen ruahmanna la siam leh tur a ni.

e) Registration Fee hi Online-in pek tur a ni a, Gpay No. 9862647664 (VL Rinpuia, MFA Futsal Committee Secretary) ah hian pek tur. Pawisa transfer-tuin, transfer-na Screenshot hi Secretary number-ah 'WhatsApp' hmangin thawn leh tur.

2. Club tinin Player 20 aia tam lo leh Team Official panga (Manager, Asst Manager, Coach, Asst Coach leh Physio) aia tam lo Register theih a ni.

3. Club hming pangngai tak neih tur a ni a, Club Logo neih vek tur a ni bawk. Jersey No. hi 1-20 inkar a ni tur a ni a, Jersey No. 1 hi GK tan dah tur a ni. Jersey set hnih (Home & Away, Colour in ang lo) leh bib set khat neih tur a ni.

Note : Club & Player Registration chungchanga zawhfiah duh nei tan 9862647664 leh 9612148428-ah te hian zawhfiah theih a ni.