Durand Cup 'Trophy Tour' Jaipur aṭangin an ṭan

India rama football inelna upa ber Durand Cup vawi 132-na chu August 3 aṭangin Kolkata-ah khelh a ni dawn a, September 3-ah khelh zawh a ni dawn. Inelna ṭan hmain Trophy Tour neih a ni a, July 9, Pathianni khan major general Rai Singh Godara, GOC of 61 Sub Area of Indian Army chuan Jaipur-ah a vai liam.

Kumin inelnaah hian ISL club aṭangin Bengaluru FC, East Bengal, Chennaiyin, FC Goa, Hyderabad, Jamshedpur, Kerala Blasters, Mohun Bagan, Mumbai City, NorthEast United leh RoundGlass Punjab FC te an tel dawn.

I League club aṭangin Delhi FC, Gokulam Kerala, Mohammedan SC, Rajasthan United leh Shillong Lajong te an tel ang. Armed Forces aṭangin Services, Indian Air Force leh Indian Navy te an tel dawn a, India ram pawn aṭangin Bangladesh Services, Bhutan Services leh Nepal Services te an tel ang.

Nikum khan final-ah Bengaluru FC leh Mumbai City te an inhmachhawn a, a vawi khat nan Bengaluru FC an champion.