Aizawl DFA referee exam

Aizawl DFA chuan 2023-24 season aṭang hian Referee Board a nei tawh dawn. A bul ṭanna atan Third Class Referee Exam buatsaih a ni dawn a, ADFA hnuaia I Division leh II Division Club aṭangin mi pahnih aia tlem lo tel tur inruat tur a ni a, hei bakah hian Football Referee lama tui a duh apiang tan Exam theih a ni ang.

Exam turte hi India khua leh tui dik tak an ni tur a ni a, Class VIII pass an ni bawk tur a ni. Exam turte hian Aizawl DFA honorary secretary Lalbiakhlua (96123 32318) leh Aizawl DFA referee committee secretary F. Zothanpuia (98638 57160) te hnenah July 21, 2023 thleng in report theih a ni.