Second Division: A tawp ber ni a ngaihnawm dawn

Aizawl DFA buatsaih Second Division khel tur zawnna Playoff chu Lammualah khelh chhunzawm zel a ni a, nimin result-in a zir bawk a, a tawp ber ni a ngaihnawm dawn.

Nimin inkhelah Armed Veng FC-in Ramhlun FC 2-1 in an hneh a, match hnihah vawi hnih chak mah se match hnuhnung zawkah Orison FC-in Mission Vengthlang FC an hneh thung. MSVT leh Armed Veng hi Nilaini hian an inkhel dawn a, tling thei leh tla thei ve ve an la ni . Chutihrualin group B-ah hian point la hmu lo, Ramhlun FC thlengin an la tling thei bawk.

Group A-ah Tuithiang FC-in an elpui ber Aizawl South FA an hneh a, Second Division khel turin an tling. Chutihrualin hmun ruak pakhat hi Aizawl South FA leh Ramhlun Vengthar FC ten an inchuh dawn a, head to head a pawimawh ber, chutihrualin goal difference nei ṭha zawk Ramhlun Vengthar dinhmun a ṭha hret.