Hockey khel thiam Pazawna a thi

Mizo pa, hockey a khelh thiam avanga hriat hlawh Pazawna Renthlei chu nimin khan a thi a, kum 86 mi a ni - an chenna Ainawn Vengah vui liam a ni.

Pazawna hian a naupan lai aṭangin hockey a khel thiam êm êm a, kum 1956 khan Assam Police zawmin India huap inelna hrang hrangah a inlan - All India Police Team 11-ah pawh a khel phak.

A chanchin ziahnaa an tarlan dan chuan, kum 1972 khan India aiawha Olympic khel tura thlan zingah a tel a, mahse kohna a hmuh tlai avangin team a zawm hman ta lo a ni.

Pazawna thlalak hi Delhi Sports Museum leh Mizoram Sports Musem-ah tarlan a ni a, a thlalak bakah hian a Hockey Stick pawh tar a ni bawk.