Hmahruaitu Hmangaihsanga

Mizoram Pachak leh Nuchak inelna neih mek a ni a, inelna an neih tawh china mipa huangah Lalhmangaihsanga, Saron Veng a la chungnung ber a, hmeichhe lamah pawh Lalhmangaihsangi, Dilkhan a la sang ber bawk.

Mizoram Powerlifting Asso-ciation (MPA) leh Zonet ten an buatsaih inelna hi Thawhṭanni khan chhunzawm a ni a, mipa hi truck hnuh kal hmanga inelin hmeichhia hi Squat For (1 Rep Max Equiped) hmangin an inel thung.

Vawiin chawhma dar 10:00 hian Hawla Indoor Stadium, Republic Vengthlangah chhunzawm leh tur a ni dawn a, inelna pahnih - Trap Bar Deadlift (1 Rep Max) leh Maximum Deadlift (Conventional) bungraw thiar hmangin an inel leh ang.

July 14, Zirtawpni zan hian Vanapa Hall-ah a hmawr bawk a ni dawn a, a tawp zanah hian Gas Hold (a bur ruak) leh Log Lift (90kg) hmanga inelna neih leh tur a la ni bawk.