FIFA-in Zimbabwe hremna an hlip

Football thuneitu sang ber FIFA chuan thla 18 chhung Zimbabwe Football Association (ZIFA) hremna chu World Cup 2026 qualifier fixture pawh hmain an hlihsak tih Thawhṭanni khan an nemnghet.

FIFA-in ZIFA a hrem chhan hi pawl inrelbawlnaah sorkar a inrawlh vang a ni a, November 2021 khan sorkar huaia din Sports and Recreation Commission chuan ZIFA executive committee chu an ṭhiat. February 2022-ah FIFA-in Zimbabwe hi a hrem ṭan a, 2022 World Cup khel tur zawnnaah tel hman mah se 2023 Africa Cup of Nations a tel a phalsak lo.

FIFA chuan hremna hlih thu a puan rual hian normalization committee a dinsak thu a puang nghal. Normalization committee hi local administrator Lincoln Mutasa-a'n a kaihruai ang a, June 2024 hmain a an zo fel tur a ni.

World Cup lo awm tur atana African qualifiers draw chu CAF Congress-ah neih a ni dawn; July 13, Ningani hian Abidjan-ah neih a ni ang. Qualifier match hmasa ber chu November-ah neih a ni dawn a, a hun taka hremna an hlihsak avangin Zimbabwe pawhin inelna an hmachhawn thei ang.