Chelsea striker Fofana a chhuak

Premier League club Chelsea striker David Datro Fofana chuan khelh tam theih beiseiin a puanthuah nen Stamford Bridge a chhuahsan a, mahse, kum khat atan bak a ni lo - Bundesliga club Union Berlin chu season khat chhung loan-a khel turin a zawm.

Fofana chuan, "Union hian tun hnaiah nasa takin hma an sawn a, season thara an hnena ka khel ve thei tur hi ka lawm hle. He team hian min lakluh theih nan theihtawp an chhuah a, khelmualah ṭha takin min rinna hi chhanlet ka tum ang," a ti.

Kum 20 mi Fofana hian January thla khan Norwegian club Molde aṭangin Chelsea hi a zawm a, season hman zawh takah khan inelna hrang hrangah match li a khel ve - a kum a la nau deuh avangin inzir belh turin an chhuahtir leh ta a ni.

Ivory Coast tana vawi thum inlan tawh Fofana hian Chelsea-ah hian kum 2029 thleng khel turin contract a nei a, a ṭul dan a zira kum khat dang pawhsei theih a nih bawk avangin Blues-ah hun a la ngah tawk.

Fofana hian Molde-a a theihna sanzia lo pholang tawhin, match 65 a khelhsakah goal 24 a khung thei a, assist vawi 10 a nei bawk - a sulhnu hi a kum zat ngaihtuah chuan a ropui hle.

Union Berlin hian season hman zawh takah khan Bundesliga-ah palina dinhmun luahin, season tharah Champions League an khel dawn a, European football khel lo tur Blues chhuahsana season khat inzir belh hi Fofana tan thutlukna fing a ni.