Messi, Cristiano leh Neymar te khel hmuh a nuam - Casemiro

Brazil leh Manchester United midfielder Casemiro chuan a inkhelh hun laia player ṭha pathum Lionel Messi, Cristiano Ronaldo leh Neymar te inkhel hmuh nuam a tih thu a sawi.

Casemiro chuan, "Maradona leh Pele te inkhel kha ka hmu hman lo. Chutihrualin ka inkhelh hun laia player ropui pathum Messi, Cristiano leh Neymar te erawh hmuh nuam ka ti hle," tiin a sawi.

Brazilian midfielder hian Ronaldo hi Real Madrid-ah a khelhpui a, hun rei lote chhung Manchester United-ah an khel dun bawk. Los Blancos tana a khelh lai hian Barcelona chhuanvawr Messi hi an elpui a ni a, Neymar erawh ram tana a khelhpui a ni thung.