Naktukah Gold Cup semifinal khel dawn

North America, Central America & Caribbean lama ram leh ram inelna CONCACAF Gold Cup pawh a hmawr bawk a hnai tawh a, naktuk zingkarah semifinal khelh a ni dawn.

July 13, Ningani zing dar 5:00-ah inelna thlengtu pakhat zawk USA leh Panama an intawng ang - USA hian semifinal-ah inelna an thlen ṭawmpui Canada chu hun pangngaia 2-2 a an inhnehtawk hnuin penalty-ah 3-2 in an hneh a, Panama hian Asia aṭanga sawm Qatar chu 4-0 in an sawp thung.

Ningani zing dar 7:30-ah semifinal match hnihna khelh a ni dawn a, 1-0 a Guatemala hnehtu Jamaica leh 2-0 a Costa Rica hnehtu Mexico ten final luh an inchuh ang.