Inthiar turin Dier a chhuak

Tottenham lam 1-0 a an hnufual laiin player pawimawh Eric Dier inthiar a ngai a, English defender hi minute 77-naah inthiar turin a chhuak a, thinrim takin Jose Mourinho-a'n a um zui.

Spurs-in player 10-in an khel a, goal a lut lo. Inkhelh banah Dier chuan, "Mi zawng zawngin ka dinhmun tur chu inhrethiam ang. Inkhelh lai bikah chuan ka vawi khat tawnna a ni a, Jose rilru put hmang tur ka ngaihtuah hman lo. Pierre-Emile Hojbjerg leh Toby Alderweireld te ka chhuah lawk tur thu ka hrilh a, ka insum thei tawh lo," tiin a chhuah chhan a sawi.

English defender hi man of the match-ah thlan a ni a, inkhelh banah a lawmman hi a inthiarnaah dahin thla a laksak. Dier chuan, "Jose a lawm lo a, tih theih dang ka nei lo," tiin a sawi belh.

Jose Mourinho chuan, "Eric Dier chunga thil thleng kha thil pangngai a ni lo, eng emaw zawng tak chuan fak a phu," tiin a player fak nan a hmang.

Fixtures sawiselna remchangah hmangin Mourinho chuan, "Darkar 48 chhunga match hnih khelh hi kan khap a ngai. Mihring pangngai tan a harsa. Chhuah a ngai a, a chhuak zawk a ni mai. A luh leh vat theih nan ka tur hmanhmawh thung," tiin a sawi a, thuneituten player-te an ngaihtuah loh thu a sawi tel bawk.