French Open Serena a inhnukdawk

French Open-a vawi thum champion tawh Serena Williams chu a keah hliam a neih avangin Grand Slam khelh mek aṭangin a inhnukdawk.

Kum 39 mi Serena hi nimin khan second round-ah Bulgarian star Tsvetana Pironkova nena inkhel tur a ni a, amaherawhchu hliam vangin a inlan thei lo.

Serena chuan, "Kar ruk chhung chu engmah ti loa chawlh tawp ka mamawh dawn. Ke a kal ka harsat a, inhliam belh aiin dam vat ka duh zawk," tiin a sawi.

American star hian US Open semifinal-a Victoria Azarenka a hneh loh ṭumin a khei mit hi a ti na tawh a. Thawhṭanni khan French Open first round-ah a hnampui Kristie Ahn chu 7-6 (7-2) 6-0 in hneh mah se a khel chhunzawm thei dawn lo.

Serena hi French Open-ah 2002, 2013 leh 2015 te khan nomawi a chawi a, world ranking-ah pakuana a ni mek. Tunah hian Grand Slam vawi 23 champion tawhin Margaret Court record vawi 24 tluk turin vawi khat chiah champion a ngai tawh a ni.