Brighton tan Dunk a rinawm

Lewis Dunk chuan Brighton & Hove Albion-a a contract neihlai chu kum 2026 thleng a pawtsei. Seagulls captain Dunk-a'n kum thum daih contract a pawtsei hi club tan chanchin lawmawm a tling.

Brighton manager Roberto De Zerbi chuan, "Captain-in contract a pawtsei hi ka lawm a, club tan chanchin ṭha a ni," tiin a sawi. Kum 31 mi Dunk hi club youth system chhuak a ni a, kum 18 a nihin kum 2010 khan club tan a khel ṭan.

Kum 2019 aṭangin Dunk hian captain hna a chelh a, February thla khan match 400 khel tlingin tunah hian Seagulls hi 416 match a khelsak tawh. England tan pawh Dunk hi koh a ni tawh a, chutihrualin kum 2018-a match khat a khelh bak kha a khel leh lo thung.