Fulham leh West Ham ten Harwood-Bellis an rim

European Under-21 Championship-a an champion meuh chuan England Under-21 captain Taylor Harwood-Bellis-a'n rimtu a ngah a, Manchester City defender hi Fulham leh West Ham te chuan an hnimhnai hle niin an sawi.

Kum 21 mi defender hian season hman zawh tak pawh kha Championship lamah khelin, Burnley chu champion nomawi a chawipui a, Premier League khel turin a inhlankaipui.

Mahse, City-a season khat bak contract nei tawh lo defender tan a club nghet City-ah hmun chan a harsa ang tih a chiang a, hei vang hian English defender ṭhangduang hian rimtu a ngah phah hle.

Pep Guardiola enkawl City chuan Bellis hralh an pawi ti lo nia sawi a ni a, mahse, Euro U21-a che ṭha tak defender hi pound maktaduai 15 aia tlawma chhuahtir erawh an tum lo thung.