Second Division-a tlingte - Tuithiang, Aizawl South FA, Armed Veng leh Orision FC

Aizawl DFA buatsaih Second Division Playoff chu nimin khan khelh zawh a ni ta.

Group A-ah Aizawl South FA-in Tuithiang FC hnung zui turin Ramhlun Vengthar FC 3-2 in an hneh. Mizo coach lar Lalsangzuala Hmar academy hian Second Division-a tling turin chak ngei an mamawh a, an duh ang result an hlawhchhuah theih nan minute 75-naah Lalhruaidika'n chakna goal a khung.

Group B-ah Ramhlun FC an inlan lo a, Orision FC-in khel loin point thum an hmuh bakah an goal difference 3-ah a pung chho bawk. Hei vang hian Mission VT FC leh Armed Veng FC inkhela chak lo zawk chu tling lo thei an ni a, Armed Vengin fiahna a paltlang. MSVT erawh team ṭha tak nichungin siin Second Division khel turin an tling pha lo.

Tuithiang, Aizawl South FA, Armed Veng leh Orision FC ten Second Division an khel dawn a, team 12 awmsa nen 16 an awm chiah ang. Team 12 awmsa te chu Zemabawk North FC, Ramhlun North FC, Venghlui FC, Chaltlang FC, Saikhamakawn FC, Zonuam FC, College Veng FC, FC Armed Veng South, Sihhmui FC, Hlimen FC, Lengpui FC leh FC Zotlang te an ni.