Siamtharna chang Barcelona zaninah inlan dawn

Champions League quarter-final a Bayern Munich-in 8-2 ngawta an sawp avanga mualpho Barcelona-in beiseina thar nen season bul an ṭan a, an match hmasa berah an chak nghal. 

Catalan club hian September 27 zan khan tun season La Liga tana an match hmasa ber an khel ve chauh a, harsatna tawk loin Villarreal chu 4-0 ngawtin an sawp. 

Ronald Koeman enkawlna hnuaiah Barca tan beiseina a vul thar a, Lionel Messi chhuah tur thawmin a den zui avanga nguai taka nipui transfer hmangtu fan-te pawh an nui ve leh ta. 

Barcelona hian zanin dar 1:00-ah La Liga match an khel dawn a, season dangah pawh Barca zuam ṭhin tak Celta Vigo khelmualah an lenluh dawn avangin hna a awlsam dawn lo. 

Nipui transfer-ah Messi-a'n Barca chhuahsan dilna a thehlut a, Spanish media ten he thil thleng chanchin an hriat rual hian football khawvel a nghing nghal a, Nou Camp lam titi apiang chu chanchin ngaihnawm a tling. 

Barca-in Messi chhuah an phal loh hnuah Argentine forward hian chhuah duh viau mah se court lama kal a duh lo a, Nou Camp chhuahsan a tumna chu chawlhsanin, "Court a Barca hmachhawn hi ka thei lo," a ti. 

Naupang tê a nih aṭanga Barca-in an enkawl Messi-a'n a hmangaih em em a club hliam a duh lo a, a cham zui - an match hmasa berah penalty hmangin goal a khung nghal a, dan pangngaiin Messi goal khung chanchin bawk kan hre leh fo dawn niin a lang.

Kum 33 mi Messi chuan, "Inrem lohna tam tak awm mah se engkim hi a tawp a hun tawh a, tunah chuan inlungrual taka thawh ho a, a ṭha ber beisei a hun leh tawh a ni," tiin a ṭhiante chu thil hlui hnuchhawn turin a ngen. 

Messi-a'n chhuah a dil avanga Barca chhungkaw buaizia hrilh nawn kan ngai lo a, mahse khang thil thleng zawng zawng kha Messi chuan club tana ṭha ber tur ngaihtuah chunga ti a nih thu a sawi. 

Argentine forward chuan, "Tihsual ka nei a nih chuan ka tihsual ka pawm a, mahse engkim hi Barca chak leh ṭhat lehzualna tur ngaihtuah chunga ti zel ka ni," a ti. 

Messi chuan sawi zawmin, "Min ngaina a, kan hnung zuitu fan-te hnena ka sawi duh chu, ka thil tih leh sawiah khan hrehawm tihna in lo nei a nih chuan Barcelona tana ṭha ber tur ngaihtuah chunga thil ti ka ni," a ti a, a hmasial vanga chhuah tum a nih loh thu a sawi. 

Argentine forward hian a ṭhianpa leh a khelhpui Luis Suarez an chhuahtir danah pawh Barca hotute a lo sawisel tawh a, "Hetianga chhuahtir hi i phu lo a, mahse a nihna takah chuan engmah hi mak ka ti tawh lo," tiin Suarez hi a thlah - Uruguayan striker hian Atletico Madrid panin a club thar tana a match hmasa berah goal hnih a khung nghal. 

Koeman-a'n buaina tam tak nei sa Barcelona a enkawl a, match khat aṭanga teh nghal rem lo mah se Dutch coach hi Villarreal laka an khelh dan en chuan hna thawk ṭha tura beisei a ni a, ama duh dan ang takin team a din dawn niin a lang bawk. 

Quique Setien hnuaia hmun pawimawh chang phak lo Antoine Griezmann chuan 4-2-3-1 formation-ah hmun pawimawh changin bul a ṭan a, goal hnih khungtu rawlthar Ansu Fati nen mual sir aṭangin an nawr.

Premier League lama kir tur anga sawi Philippe Coutinho pawh a nuam tihnaah tak khelin tlarhmaa maltlat Messi hnungah chiah dah a ni a, kum 28 mi midfielder hian assist a nei nghal. 

Midfield-ah Sergio Busquets leh Frenkie de Jong an inkawp a, tlarhnungah Gerard Pique, Clement Lenglet, Jordi Alba leh Sergi Roberto te ho an awm a, Villarreal laka Barca hi season tluana Barcelona 'regular' tur an nih pawhin a mak lo ang. 

Barcelona hmachhawn tur Celta Vigo hi season hmasa khan table-ah 17-na a ni a, mahse Barcelona lakah chuan table a an dinhmun aṭangin Celta hi teh chi an ni lo. 

Team pahnih intawn tawh vawi 36-ah Barcelona hi vawi 16 an chak a, Celta hi vawi kua an chak ve thei - vawi 11 an inhnehtawk a, season hmasa khan Nou Camp-ah 4-1 ngawtin Celta hi chak lo mahse anmahni mualah erawh 2-2 in Barca hi an chelh thei. 

Barcelona tan chuan Iago Aspas hi ven bik ngai a ni leh dawn a, kum 33 mi ni ve tawh mah se Liverpool striker hlui hian uai thlak lam a la pan lo tih pholangin tun season match thum a khelh tawhah goal thum a khung. 

Aspas hian season hmasa khan inelna hrang hrangah match 38 khelin goal 14 a khung a, 2015 a Celta a pan hnuah khan season hmasa tih lohah chuan goal 18 a la khung tling ziah. Champions League quarter-final a Bayern Munich-in 8-2 ngawta an sawp avanga mualpho Barcelona-in beiseina thar nen season bul an ṭan a, an match hmasa berah an chak nghal. 

Catalan club hian September 27 zan khan tun season La Liga tana an match hmasa ber an khel ve chauh a, harsatna tawk loin Villarreal chu 4-0 ngawtin an sawp. 

Ronald Koeman enkawlna hnuaiah Barca tan beiseina a vul thar a, Lionel Messi chhuah tur thawmin a den zui avanga nguai taka nipui transfer hmangtu fan-te pawh an nui ve leh ta. 

Barcelona hian zanin dar 1:00-ah La Liga match an khel dawn a, season dangah pawh Barca zuam ṭhin tak Celta Vigo khelmualah an lenluh dawn avangin hna a awlsam dawn lo. 

Nipui transfer-ah Messi-a'n Barca chhuahsan dilna a thehlut a, Spanish media ten he thil thleng chanchin an hriat rual hian football khawvel a nghing nghal a, Nou Camp lam titi apiang chu chanchin ngaihnawm a tling. 

Barca-in Messi chhuah an phal loh hnuah Argentine forward hian chhuah duh viau mah se court lama kal a duh lo a, Nou Camp chhuahsan a tumna chu chawlhsanin, "Court a Barca hmachhawn hi ka thei lo," a ti. 

Naupang tê a nih aṭanga Barca-in an enkawl Messi-a'n a hmangaih em em a club hliam a duh lo a, a cham zui - an match hmasa berah penalty hmangin goal a khung nghal a, dan pangngaiin Messi goal khung chanchin bawk kan hre leh fo dawn niin a lang.

Kum 33 mi Messi chuan, "Inrem lohna tam tak awm mah se engkim hi a tawp a hun tawh a, tunah chuan inlungrual taka thawh ho a, a ṭha ber beisei a hun leh tawh a ni," tiin a ṭhiante chu thil hlui hnuchhawn turin a ngen. 

Messi-a'n chhuah a dil avanga Barca chhungkaw buaizia hrilh nawn kan ngai lo a, mahse khang thil thleng zawng zawng kha Messi chuan club tana ṭha ber tur ngaihtuah chunga ti a nih thu a sawi. 

Argentine forward chuan, "Tihsual ka nei a nih chuan ka tihsual ka pawm a, mahse engkim hi Barca chak leh ṭhat lehzualna tur ngaihtuah chunga ti zel ka ni," a ti. 

Messi chuan sawi zawmin, "Min ngaina a, kan hnung zuitu fan-te hnena ka sawi duh chu, ka thil tih leh sawiah khan hrehawm tihna in lo nei a nih chuan Barcelona tana ṭha ber tur ngaihtuah chunga thil ti ka ni," a ti a, a hmasial vanga chhuah tum a nih loh thu a sawi. 

Argentine forward hian a ṭhianpa leh a khelhpui Luis Suarez an chhuahtir danah pawh Barca hotute a lo sawisel tawh a, "Hetianga chhuahtir hi i phu lo a, mahse a nihna takah chuan engmah hi mak ka ti tawh lo," tiin Suarez hi a thlah - Uruguayan striker hian Atletico Madrid panin a club thar tana a match hmasa berah goal hnih a khung nghal. 

Koeman-a'n buaina tam tak nei sa Barcelona a enkawl a, match khat aṭanga teh nghal rem lo mah se Dutch coach hi Villarreal laka an khelh dan en chuan hna thawk ṭha tura beisei a ni a, ama duh dan ang takin team a din dawn niin a lang bawk. 

Quique Setien hnuaia hmun pawimawh chang phak lo Antoine Griezmann chuan 4-2-3-1 formation-ah hmun pawimawh changin bul a ṭan a, goal hnih khungtu rawlthar Ansu Fati nen mual sir aṭangin an nawr.

Premier League lama kir tur anga sawi Philippe Coutinho pawh a nuam tihnaah tak khelin tlarhmaa maltlat Messi hnungah chiah dah a ni a, kum 28 mi midfielder hian assist a nei nghal. 

Midfield-ah Sergio Busquets leh Frenkie de Jong an inkawp a, tlarhnungah Gerard Pique, Clement Lenglet, Jordi Alba leh Sergi Roberto te ho an awm a, Villarreal laka Barca hi season tluana Barcelona 'regular' tur an nih pawhin a mak lo ang. 

Barcelona hmachhawn tur Celta Vigo hi season hmasa khan table-ah 17-na a ni a, mahse Barcelona lakah chuan table a an dinhmun aṭangin Celta hi teh chi an ni lo. 

Team pahnih intawn tawh vawi 36-ah Barcelona hi vawi 16 an chak a, Celta hi vawi kua an chak ve thei - vawi 11 an inhnehtawk a, season hmasa khan Nou Camp-ah 4-1 ngawtin Celta hi chak lo mahse anmahni mualah erawh 2-2 in Barca hi an chelh thei. 

Barcelona tan chuan Iago Aspas hi ven bik ngai a ni leh dawn a, kum 33 mi ni ve tawh mah se Liverpool striker hlui hian uai thlak lam a la pan lo tih pholangin tun season match thum a khelh tawhah goal thum a khung. 

Aspas hian season hmasa khan inelna hrang hrangah match 38 khelin goal 14 a khung a, 2015 a Celta a pan hnuah khan season hmasa tih lohah chuan goal 18 a la khung tling ziah.