Sunrisers Hyderabad an chak

Indian Premier League-ah Thawhlehni zan khan Sunrisers Hyderabad-in run 15-in Delhi Capitals an hneh. Sunrisers vawi khat chakna chiah a ni.

Sheikh Zayed Sta-dium-ah Delhi Capitals ṭhumvawrah an chak a, vawm hmasak an thlang. Sunrisers opener pahnih David Warner (45) leh Jonny Bairstow (53) te an khel ṭha a, Kane Williamson-a'n run 41 a belh bawk.

Sunrisers-in over 20-ah run 1624 an siam a, Delhi Capitals bowler zingah Kagiso Rabada-a'n run 21 pein wicket hnih lain a vawm ṭha hle.

Capitals tan target harsa ni lo mah se Sunrisers bowler-te an khel ṭha. Bhuvneshwar Kumar (25/2), Khaleel Ahmed (43/1), Thangarasu Nastarajan (25/1) leh Abhishek Sharma (24/0) te an khel pangngai a, Rashid Khan a khel ṭha fal. 

Afghan bowler Rashid Khan hian run 14 chiah pein wicket thum a la a, Surinsers Hyderabad a chakpui. Delhi Capitals batsman zingah Shikhar Dhawan (34), Rishabh Pant (28), Shimron Hetmyer (21) leh Shreyas Iyer (17) te an che ṭha ve deuh a, mah se chakpui tham an ni lo. Over 20-ah Delhi hian run 147/7 chauh an siam a, run 15-in an chak lo.