Sergino Dest-a'n Barcelona a thleng

Barcelona zawm tur anga sawi Ajax defender Sergino Dest chuan Spain a thleng a, kum 19 mi defender hi Barca nen inrem thuai tura beisei a ni. 

Thawhlehni tlai lam khan Dest hi Barcelona airport-ah hmuh fuh a ni a, Nou Camp-ah hian kum nga chhung khel turin contract a ziak ang. 

Barcelona hian right back Nelson Semedo chu Wolverhampton Wanderers lamah an kaltir a, kum 26 mi defender hmun ruak hi Dest hian a luah dawn a ni. 

Catalan club hian right back a khel turin Sergi Roberto an nei sa a, Dest nen hian Koeman hnuaia hmun pawimawh chang turin an inel ang.

Bayern Munich pawhin Dest hi lakluh tumin an hel a, mahse kum 19 mi American defender hian Lionel Messi bula khelh a thlang zawk - a man hi euro maktaduai 25 thleng ni thei tura beisei a ni.