Zaninah Pachak leh Nuchak inelna zo fel dawn

Mizoram Powerlifting Association (MPA) leh Zonet ṭangkawp ten an buatsaih Mizoram Pachak leh Nuchak ber zawnna chu zanin hian a hmawr bawk a ni dawn a, champion tur a la chian loh avangin inelna a hmuhnawmin boruak a sang dawn.

Vanapa Hall-ah hun hman a ni dawn a, zan dar 8:00 aṭangin Zonet chuan an live ang. A hmunah en theih a ni dawn bawk a, a hmuna kal thei lo tan TV aṭangin a en theih dawn tihna a ni.

Mipa hi Gas Hold (A bur ruak) leh Log Lift (90kgs) hmangin an la inel leh dawn. Nilaini thlenga inelna an neih tawh chinah Lalhmangaihsanga (Tetea) leh Abraham Lalṭhakima ten point 152 ve ve an hmu.