FIFA-in Al Nassr a hrem

Football thuneitu sang ber FIFA chuan Saudi Arabian club Al Nassr chu player lalut thei lo turin a hrem, hrem an nih chan hi Leicester City aṭanga Ahmed Musa an leina an la pek tlak loh vang a ni.

Kum 2018 khan Al Nassr hian Nigerian winger hi Foxes aṭangin an la a, a man hi £390,000 an la pe kim lo. FIFA thupuangtuin a sawi dan chuan, an pawisa bat hi an pek tlak hunah player chu an la thei leh ang.

Al Nassr hian season hmasa khan sum tam takin Cristiano Ronaldo an lalut a, tun nipui bazar chhungin Croatia star Marcelo Brozovic an la tawh bawk a, Chelsea aṭanga Hakim Ziyech lak an tumna erawh a hlawhtling rih lo a ni.