F1 huangah Mick Schumacher inlan dawn

Ferrari chuan season kal laiah an academy driver pathum chu Formula 1 huangah inlan theihna kawng an siamsak dawn a, driver beiseiawm Mick Schumacher leh Callum Ilott te chu an inlan dawn hnai.

October 9 hian Eifel Grand Prix an nei dawn, he hunah hian world champion vawi sarih ni tawh Michael Schumacher-a fapa Mick chuan first practice-ah Alfa Romeo car a khalh ang. Illot chuan Hass a khalh dawn ang.

Alfa Romeo leh Hass te hi Ferrari hnuaia awm an ni a, Italian team hlunin anmahni aṭanga inzir chhuakte tan hun ṭha an siamsak hi a mak hran lo - Mick leh Illot te hi Formula 2 lama pakhatna leh pahnihna dinhmun luah lai an ni.