LPS Pro Fight a awm leh dawn

Tualchhung boxing inelna lian LPS Pro Fight chu vawi 10-na leh professional a nih hnua a ṭum hnih nan October thlaah khelh a ni leh dawn, a hmun tur erawh a la chiang thei rih lo.

Inelna buatsaihtute chuan kuminah Falkland venga sak mek LPS Arena-ah huaihawt a tum a. Mahse, tun dinhmunah thawh zawh hman a ni dawn em tih a chian theih loh avangin a hmun tur chiang takin a sawi theih rih lo a ni.

Nikum ang bawkin weight hrang pangaah title inchuh leh tur a ni dawn a. Kum 17 chin chung lam a duh apiang Mizoram leh state dang aṭang pawhin anmahni insengsoin an tel thei ang.

Season hmasa khan Mizoram mai ni loin zohnahthlak tute pawh tel phalsak a ni tawh a. Tun ṭumah hian state lian leh zau zawk aṭanga boxer inlan duhte tan pawh kawng hawnsak a ni a, senso an intum vek a ngai thung dawn a ni.

Mizo boxer-te tam zawk an tel theih nan weight ṭhen dan ṭhenkhat erawh tihdanglam a ni a; fly-in kg 48-52 huamin bantam-ah kg 52-56, feather awm tawh lo in light-ah kg 56-61, welter-ah kg 61-67 leh middle-in kg 67-74 a huam dawn a ni.