Pro Division club thar Hlimen

Tualchhung volleyball thuneitu sang ber Mizoram Volleyball Association (MVA) hnuaia club ṭha bik awmna Pro Division huangah Hlimen an tling thar.

Mipa Pro-Division aṭangin Tuipuiral an tla a, hmunruak pakhat awm hi Ngopa, Keiṭum leh Hlimen ten an inchuh. Team pathumte hi Inrinni khan vawi khat ṭheuh an inkhel kual a, chumi hnua ti ṭha ber chu an tlang.

Hlimen an tlin takah chuan Thutak Nunpuitu Team (TNT), Hunthar, Chhinga Veng Spikers, Tuichangral, Durtlang North leh Hlimen te an inel dawn tihna a ni a, inelna sang Pro Volleyball pawhin boruak thar a tem dawn.