Japan ngam loh Spain

Ram leh ram hmeichhe tennis team hmanga inelna Fed Cup khelh kal laiah Spain chuan Japan 3-1 a hnehin an tlang a, vawi nga champion tawh ram hi a thiam zual inelna Fed Cup Finals-ah an inlan zui ang.

Tun season tawp ruala tennis chawlhsan tur Carla Suarez Navarro chuan Spain tan singles huangah hnehna a chang. Navarro hian a khingpui Kurumi Nara chu 6-1, 6-3 a hnehin an ram a chakpui.

Ram lian dang Russia, Germany, Belgium, Switzerland, Slovakia leh Belarus te pawh an tlang tawh a, Grand Slam vawi 23 champion tawh Serena Williams awmna United States leh Latvia te erawh an la inkhel zo lo; US hian 2-1 a hmahruai tawhin an dinhmun a ṭha rih zawk.