Pre-season tour-ah Havertz, Rice leh Timber te tel nghal

Arsenal chuan US-a pre-season tour an neih tura squad an puang a, player thar Kai Havertz, Jurrien Timber leh Declan Rice te an tel nghal vek.

Gunners hi US tour-ah hian an kim hman dawn lo. Emile Smith Rowe, Thomas Partey, Reiss Nelson, Nicolas Pepe, Cedric Soares leh Albert Sambi Lokonga te telh an ni lo.

Chutihrualin Euro Under 21-a England champion team zinga mi Smith Rowe chu team zawm leh thei tura beisei a ni a, Nurmberg nen 1-1 a an inhnehtawk ṭuma khel Partey pawh karleh lamah chuan team zawm thei tura beisei a ni bawk.

Nelson, Pepe leh Lokonga te tel theih loh chhan hi inhliam vang a ni thung. Mikael Arteta hote hian US-ah hian match thum an khel dawn. Nilani hian MLS All Stars nen an inkhel ang a, July 22-ah Manchester United nen MetLife Stadium-ah an inhmachhawn ang. Match hnuhnung berah Barcelona an hmachhawn dawn a, Gold Cup final an khelhna hmun SoFi Stadium-ah July 26 hian an inkhel ang.