Chennaiyin-ah Owen Coyle a kir

ISL club Chennaiyin FC chuan season thar aṭanga club enkawl turin an manager hlui Owen Coyle chu an lalet. Kum 57 mi Coyle hian Premier League club Bolton Wanderers leh Burnley te a enkawl tawh a, ISL-ah pawh Chennaiyin leh Jamshedpur te a enkawl tawh bawk.

Coyle chuan, "Chennaiyin-a ka rawn kir hi ka phur a, ka hun tawn hmasak kha nuam ka ti. Club hian sulhnu ṭha tak a nei a, chumi chhunzawm chu kan tum dawn a ni," tiin a sawi.

Coyle hian Scottish Championship club Queen's Park FC a enkawl mek a, a contract neih lai hi a hman zawh phawt a ngaih avangin August aṭangin Chennaiyin FC a enkawl ṭan thei chauh ang.