Kum 2024-ah Inter Village Football awm dawn

Aizawl DFA chuan kum 2023-24 Calendar a tichhuak a, an calendar-a an tarlan danin nakkum kum 2024-ah Inter Village Football buatsaih an tum. Chutihrualin Aizawl DFA buatsaih a nih avangin Mizoram pum inelna a ni dawn lo a, Aizawl District huam chhunga veng leh khua tan a ni ang.

Inter Village hi ruahman dan chuan February - March, 2024-a buatsaih tum a ni. Aizawl DFA hian season thar aṭangin third divison an ṭhiat a, First Division leh Second Division chauh a awm tawh dawn.

June leh July thla chhung khan Second Division hmun ruak pali khel tur an zawng a; Tuithiang FC, Aizawl South FA, Armed Veng FC leh Orision FC te an tling. Aizawl DFA hnuaiah Second Division team 16 an awm a, First Division team 10 an awm bawk.

Division pahnih tan Setpember thla hian Season Opening buatsaih a ni dawn a, nakkum April-May thlaah Season Ending buatsaih a ni leh bawk ang. Chutihrualin AIFF, MFA leh Aizawl DFA programme hriat lawk loh pawimawh a awm a nih chuan ruahmanna hi thlak danglam leh theih a ni.