Korea Open khel tur Sindhu leh Srikanth

India badminton khel thiam pahnih PV Sindhu leh Kidambi Srikanth te chuan season an hman fuh loh siamṭhat an la tum zel a, tun kar chhunga khelh tur Korea Open lamah an inlan dawn.

Olympic medal vawi hnih dawng tawh Sindhu hian kuminah nomawi a la chawi miah lo, season kal laiah nomawi chawi a la nei miah lo - Madrid Masters khelh ṭuma final a luh kha a thlen san ber a ni.

Mipa singles player Srikanth pawh Spain khawpuia quarterfinal a luh kha a thlen san ber ṭum a ni a, heng bakah hian Malaysia Masters leh Indonesia Masters lamah a thiam zual pariat zingah a tel bawk.

Badminton inelnate hi Paris Olympic khel tur zawnna a ni nghal zel tawh a, a pawimawh êm êm vek a ni. Indian player ṭha zingah Lakshya Sen chu hun tepter tawh takah a inhnukdawk a, a inlan loh chhan erawh chiang taka tarlan a ni lo thung.