Chhantea Sailo-in Hyderabad a pan

ISL club Hyderabad FC chuan Aizawl FC aṭangin Lalchhanhima Sailo an lalut a, Armed Veng tlangal hian kum thum daih contract a ziak.

Indian Arrows captain hlui Chhantea Sailo chuan, "India ram inelna league sang ber ka khel ve tur hi ka lawm hle. Pathian malsawmna vanga tun dinhmun thleng thei hi ka ni a, min puitu zawng zawngte chungah ka lawm hle," tiin Vanglaini a hrilh a, a bik takin Aizawl FC chungah lawmthu a sawi bawk.

Chhantea hi centre midfielder a ni a, pa lian leh thahrui ngah tak tia sawi tur ni lo mah se ball a thiam avangin a hmuhnawm ṭhin hle. Season liam ta khan Chhantea hi I League-ah Aizawl FC tan match 19 a khel a, goal thum a khung a ni.