Hopman Cup khel tur Alcaraz

Ram leh ram tennis mixed team team hmanga inelna Hopman Cup-ah Carlos Alcaraz a inlan dawn. World number 1 hian Wimbledon khel zo hlim chauh ni mah se an ram Spain tana inlan a duh thu a sawi.

Spain hi Group B-ah Belgium leh Croatia te nen an awmkhawm a, number 1 Alcaraz leh hmeichhe player world number 72 Rebeka Masarova te an inlan dawn a ni.

Kum 20 mi Alcaraz chuan, "Inelna hmachhawn ka châk tawh hle, a chhan chu Spain tana inlan hi chu ka tan chuan engtik lai pawhin chawimawina a tling," a ti.

Hopman Cup thupuangtu Caroline Stefani pawhin Alcaraz thlenna tur hmun an tihfel tawh thu a sawi a, an khingpui tur Belgium tan David Goffin-a leh Elise Mertens-i te an inlan thung ang.