First Division khelh dan tichiang

Aizawl DFA Executive chuan 2023-24 season-ah First Division club-ten league-a an khelh tur thu an tichiang. Aizawl DFA hnuai First Division-ah hian team 10 an awm a, inelna hi September 2023 thlatira ṭan tum niin October 2023-a zawhfel tum a ni.

2023-24 Season ADFA First Division League hi 'AIFF Competition Management System (CMS)' hnuaiah khelh a ni dawn a, inelna kalphung tur kimchang chu ADFA Technical Committee lamin ruahmanna an siam ang.

Aizawl DFA hian ruahmanna hmasaah chuan First Division hi Season Opening leh Season Ending-a khelh turin ruahmanna a siam a, amaherawhchu club lam ngenna angin kalphung ngaiin an kal leh zawk dawn.

Second Division tan erawh season tir leh season tawpah inelna buatsaihsak tum a ni a, Season Opening hi September 2023-a buatsaih tum a ni.

Aizawl DFA hian calendar an tihchhuahah Inter Village Football Tournament a tel a, nakkum February- March thla hian veng/khua inelna hi buatsaih an tum.