Prannoy leh Priyanshu te an tla

Badminton inelna Korea Open Super 500 tournament khelh mekah India player-te an che fuh hleithei lo, nimin khan mipa singles lama inlan pahnih H S Prannoy leh Priyanshu Rajawat te chu second round-ah an tla.

Prannoy chu Lee Cheuk nen an inkhel tawk hle, darkar khat leh minute ruk zet an inbeih hnuah Hong Kong tlangval hi 15-21, 21-19, 18-21 in a vannei zawkah a ṭang. Priyanshu chuan Japanese player Kodai Naraoka chu 14-21, 21-19, 17-21 in a ngam lo.

Women’s doubles pair Treesa Jolly leh Gayatri Gopichand te chuan Baek Ha Na leh Lee So Hee ta ṭangdun chu minute 33 chhungin 11-21, 4-21 in an ngam lo. Mixed doubles Rohan Kapoor leh Sikki Reddy te pawh Chinese pair Feng Yan Zhe leh Huang Dong Ping te lakah 15-21, 12-21 in an zinkawng a tawp.