City-in Asia tlawh tur player puang

Premier League champion Manchester City chuan Asia tlawh tur player 25 awmna squad an puang a, chhuak thei dinhmuna a ding Kyle Walker, Joao Cancelo leh Aymeric Laporte te an tel. Saudi League zawm tur Riyad Mahrez erawh a tel lo.

Man City hian Tokyo-ah Yokohama F. Marinos leh Bayern Munich te an hmachhawn dawn a, Seoul-ah Atletico Madrid an hmachhawn leh ang. Season ṭan hmaa khelh ṭhin Community Shield chu August 6, Pathianniah khelh tur a ni a, Man City hian league-a pahnihna Arsenal an hmachhawn ang.

City hian English wing back Walker hi chelh an duh a, contract thar pawh an zawrh. Mahse, Walker hian City chhuahsan a, Bayern Munich zawm a duh niin sawi a awm. Bavarians leh Walker te hian a thuphungin inremna an nei tawh niin sawm a awm bawk.

Cancelo erawh season liam ta khan Pep Guardiola nen an inhmuh thiam loh vangin January thlaah chhuatir a ni a, Bayern Munich-in an lak ngheh loh avangin City-ah bawk a kir. Portuguese defender hi a hmalam hun tur hriatthiam a lar hle.

City squad-a tel Aymeric Laporte pawhin khelhna hmun chan tam a duh avangin Etihad Stadium chhuahsan pawi a ti lo. English champion hian RB Leipzig defender Josko Gvardiol an lalut hnai a, Laporte hmalam hun hriatthiam a har sawt. Season liam ta khan Laporte hian match 24 chauh a khel a, league-ah match 12 chauh a khel - tunah ian City-ah kum hnih daih contract a la nei a ni.

City squad:

Kyle Walker, Ruben Dias, Kalvin Phillips, John Stones, Nathan Ake, Joao Cancelo, Mateo Kovacic, Erling Haaland, Jack Grealish, Aymeric Laporte, Rodrigo, Stefan Ortega Moreno, Kevin De Bruyne, Julian Alvarez, Bernardo Silva, Sergio Gomez, Manuel Akanji, Ederson, Maximo Perrone, Scott Carson, Phil Foden, Oscar Bobb, Cole Palmer, Rico Lewis, James McAtee