Inter-in Cuadrado an la

Inter Milan chuan Colombia winger Juan Cuadrado chu an hmelma Juventus aṭangin an lalut. Cuadrado hian kum khat daih contract a ziak a, Inter hi free transfer-in a zawm.

Kum 35 mi Cuadrado hian Juventus tan kum riat chhungin nomawi 11 a chawi a, Turin club tana a khelh hma hian Udinese, Lecce leh Fiorentina bakah Chelsea tan a khel tawh a ni.

Cuadrado chuan, "Europe club lian zinga mi club tana ka khel thei tur hi ka tan chuan chawimawina a tling. Sawmtu ṭhahnem tak ka nei a, Italy hi mahni khua ang maia ka en niin ka chhungte pawh an tlangnel," tiin a sawi a, Inter chu khawvel pum huap pawha lar pha an nih avanga zawm a nih thu a sawi bawk.

Colombian winger Cuadrado hian sulhnu ṭha a nei a, Chelsea-ah Premier League leh League Cup nomawi a chawi. Italy-ah record a nei ṭha lehzual a, Serie A-ah vawi nga zet a champion a ni.