Neitu thar nei rih dawn lo

Manchester United neitu Glazer chhungkuain club leitu tur an zawn aṭanga ni 240 hnuah pawh neitu thar an la awm lo a, Glazer chhungkua ho bawkin season bul an ṭan ang.

Man United hian club manah hian pound tluklehdingawn ruk an chhiar a, hei hi club lei tumtute ngamna zatin a pha lo. April thla thleng kha Man United lei duhtute tana an lei ngamna zat thehluh hun a ni a, June thla laihawlah chuan club neitu thar puang tura ngaih a ni.

Mahse, tunah July thla a ni tawh nachungin neitu thar an la awm lo. British billionaire Sir Jim Ratcliffe leh Qatari Sheikh Jassim te chu lei tumtu langsar an ni. Club ṭantute zingah Glazer chhungkua chhuah duhtu an ṭhahnem a, an beisei erawh nghah leh rih a ngai thung ang.