Germany-ah India nulate an chak lo

Asian Games khel tura inbuatsaih lai Indian Women's Hockey team chu Germany-ah an feh chhuak a, hockey khel thiam ram pahnih lakah Mizo nula Lalremsiami Hmar tela India team hi an match hnuhhnung berah 2-0 in an vanduai.

India nulate hian match vawi thum an khel a, an chak lo vek; Germany bakah hian China chu 3-2 in an hneh lo. An khingpui pahnih hi hockey thiam leh player nei ṭha an nih avangin thil a awlsam lo.

Hockey India chuan Asian Games mai bakah Paris Olympic 2024 khel ngei turin India nulate a chher hriam mek a, hmachhawp lian tak an neihah hian Remsiami pawh player pawimawh zingah a tel phak.

Asia khawmualpuia ram hrang hrangte inelna Hangzhou 2022 Asian Games hi September 23 aṭanga October 8 chhungin neih a ni dawn a, infiamna peng hrang hrang 480 vel zet neih a ni ang. India pawhin infiammi tam tak a tir chhuak dawn a ni.