Donnarumma leh a kawppui in beih an tawk

Paris Saint Germain goalkeeper Gianluigi Donnarumma leh a kawppui lessia Elefante te chu Paris khawpuia an chenna inah beih an ni a, pilice ten an sawi dan chuan hliam na tuar loin hotel dangah an inthiarfihlim hman.

Paris chanchinbu lamin an tarlan dan chuan, misualte hian tlereuh leh sana man tam an ru a, an thil ruk hlut zawng hi £430,000 (Rs 4,53,37,437) a tling a ni.

Kum 24 mi Donnarumma hian kum hnih liam ta khan PSG hi a zawm a, season thar atan training zawm leh mai tawh tur a ni. Ruahman dan chuan Ligue 1 champion hi Japan leh South Korea ramah an zin ang.

Paris khawpuia awm PSG defender Marquinhos-a chenna in chu kum 2021 March thla khan rawk a lo ni tawh vawk a, hemi ni vek hian Angel Di Maria pawhin beih a lo tawk tawh bawk a ni.