Canada-in goal an khung lo

Hmeichhe football-a ram langsar pawl Canada chuan FIFA Women's World Cup 2023-a an match hmasa berah hnehna an chang zo lo a, Nigeria nen 0-0 in an inhnehtawk.

Canada tan forward Christine Sinclair chuan goal khungna hun remchang a nei a, mahse, kum 40 mi tawnhriat nei ṭha player hian Nigeria keeper Chiamaka Nnadozie goal venah penalty a chhuih lut thei lo.

Nigeria forward Deborah Abiodun chu Ashley Lawrence laka a chet dan avangin hun pek belhah hnawhchhuah a ni a, mahse, he thil thlen hi minute 90+8 a ni tawh a, Canada tan chhawrna hun a awm tawh lo - point khata lungawi an zir.

Nimin lama Hmeichhe World Cup inkhel dangah Switzerland chuan 2-0 in Philippines an hneh thung a, Ramona Bachman chuan minute 45-naah penalty hmanga chakna goal khungin Seraina Piubel chuan a belhchhah bawk.

Hetihlai hian nimin chawhnu inkhelah Spain chuan 3-0 in Costa Rica an hneh a, hmeichhe World Cup a hmuhnawm chho zel.