Serchhip DFA Season Ending Tournament

Serchhip District Football Association buatsaih 2022-2023 Season Ending Tournament chu July 20, Ningani khan a hawnna neih a ni a, SDFA hnuaia inziak lut 1st leh 2nd division club-ten division hran ve vein inelna hi an nei.

1st division-ah hian team pasarihin inelna hmachhawnin, 2nd division lamah team 11-in inelna an hmachhawn bawk. July 28, Zirtawpnia final match khel turin ruahmanna siam a ni.

Tournament hawn niah hian FC Serchhip Kawnpui leh Chhekhnai FC te inkhelin 1-1 in an inhnehtawk a, match hnihnaah Vengchung FC in 2-0 in New Serchhip FC an hneh a, inkhel hnuhnung berah Chanmari FC chuan Kawn Veng FC chu 5-1 in an hneh bawk.

Nimin khan second division lamten inelna neih chhunzawmin, match li a awm.