Korea Open-ah Shetty leh Rankireddy te an chak

Nimin khan badminton inelna ngaihhlut Korea Open chu khelh zawh a ni a, mipa doubles inelnaah Satwiksairaj Rankireddy leh Chirag Shetty te inkawp chuan final-ah Fajar Alfian leh Muhamad Rian Ardianto te inkawp chu 17-21, 21-13, 21-14 in an hneh.

Shetty leh Rankireddy te hi doubles-ah world number 3 an ni mek a, kuminah ringawt final vawi li an thlenna a ni. Mipa singles-ah Anders Antonsen a champion a, hmeichhe singles-ah An Se-young a champion ve bawk. Hmeichhe doubles-ah Jia Yifan leh Chen Qingchen te inkawp chu pakhatna an ni.