Alcaraz awmna Spain an chak lo

Ram leh ram tennis hmanga inelna Hopman Cup-ah Carlos Alcaraz awmna Spain chu Croatia hneh loin an zinkawng a tawp a, final an lut phak ta lo a ni.

Wimbledon champion Alcaraz hian singles bikah chuan Borna Coric chu 6-3, 6-7(6), (10-5) in a hneh, hmeichhe singles lamah Rebeka Masarova chuan Donna Vekic a ngam lo thung a, ram pahnih hi 1-1 in an intluktawk chiah.

Mixed doubles hmangin a tlang tur zawk chinfel a ngai, world number Alcaraz leh Masarova te hian Croatia aiawhtu Coric leh Vekic te hi 1-6, 6-4, (14-12) in an ngam ta lo a ni.

Kum 1996 Hopman Cup champion Croatia hian nizan khan final-ah Switzerlan an hmachhawn leh nghal a, result erawh kan hre hman ta lo.