Semifinal-a ATK hruai thlengtu Krishna

Season hmasa A League top scorer Roy Krishna chuan Indian Super League-ah pawh a theihna a pholang chhunzawm zel a, Odisha FC lakah hattrick siamin ATK chu semifinal a thlenpui - Kolkata club hma hian FC Goa chuan playoff an lo thleng tawh bawk. 

Kum 32 mi striker hian tun season-a league match 16 a khelh aṭangin goal 13 zet a khung tling ta a, assist vawi nga a nei thei bawk - season khata nuai 400 chuang a hlawh chhan a pholang. 

Krishna hian minute 63 chhungin goal thum a khung fel der a, Bengaluru aṭanga loan-a Odisha pantu Manuel Onwu chuan goal khat khung ve mah se danglamna a thlen phak lo. 

Spanish striker Onwu hian Odisha a pan hnuah league match hnih a khel tawh a, goal thum a khung ta bawk - a team erawh hnehna a chanpui zo lo ve ve. 

Odisha tan Jerry Mawihmingthanga chuan inkhel bul a ṭan a, Daniel Lalhlimpuia chu bench aṭanga luhtir a ni bawk.