District hrang hrangah Mizoram aiawh tur trial

Hero Junior Boys' NFC for BC Roy Trophy 2023-24 a Mizoram aiawh tur Selection Trial chu district hrang hrangah neih a ni dawn. July 26, Nilaini hian Serchhip-ah neih a ni ang a; July 27, Ningani hian Lunglei, Lawngtlai, Hnahthial, Champhai leh Kolasib-ah neih a ni leh ang.

July 28, Zirtawpniah Aizawl, Siaha, Khawzawl leh Mamitah te neih a ni ang a; July 29, Inrinniah Saitualah neih a ni leh bawk ang. District tina ti ṭhate hian August 1, Thawhlehni hian 1st Bn. MAP Ground, Armed Vengah final selection an nei ang.

Player-te hi January 1, 2008 - December 31, 2009 inkara piang an ni tur a ni a, Digital Birth Certificate an nei ngei tur a ni. Inelnaah hian tier 1 leh tier 2-ah ṭhen a ni a, Mizoram hi team ṭha awmna tier 1-a awm char char an ni.

Inelna hi September thla hian Bhubaneswar, Odisha-ah neih a ni ang. Mizoram hi group A-ah Karnataka, Jharkhand leh Maharashtra te nen an awm. Match hmasa ber hi September 5-ah khelh a ni ang a, Mizoram hian Jharkhand an hmachhawn ang. Hemi zawh hian Maharashtra (September 7) leh Karnataka (September 9) te an hmachhawn leh dawn.

Inelnaah hian team 16 telin group paliah zel ṭhen an ni a, group tin aṭangin a sang berin semifinal an lut dawn. Semifinal hi September 13-ah khelh tur a ni a, final hi September 15-a khelh tura ruahman a ni.