Germany-in goal an khung hnem

Hmeichhe World Cup khelh mekah Germany chuan nimin khan goal ruk ngawt an khung a, a vawi khat nana World Cup khel Morocco chu 6-0 in an sawp.

Melbourne khawpuia inkhelah Germany tan captain Alexandra Popp chuan goal hnih khungin, Klara Buhl leh substitute Lea Schuller ten goal khat ve ve an thawh bawk - goal hnih dang erawh Morocco player Hanane Ait el Haj leh Yasmin Mrabet ten an lama an tihluh a ni thung.

Nimina hmeichhe World Cup match hmasa berah Italy chuan 1-0 in Argentina an hneh a, striker Cristiana Girelli chuan inkhela goal awmchhun hi a khung - minute 87-naa lut a ni.

Brazil hmeichhe team chu nimin khan an inlan bawk a, harsatna nei loin Panama chu x-x in an hneh.