Tukin zingah Man Utd Vs Wrexham

Manchester United chuan tukin zing dar 8:00 hian Snapdragon Stadium, San Diego-ah Wrexham nen friendly match an khel dawn. English club hian player naupang zawk an khelhtir dawn a, US lamah chhawr ngun loh zawk player 15 an thawn belh.

Wrexham hmachhawn tura player tirh belh zingah Jonny Evans a tel a, hei bakah hian academy player 14 - Sonny Aljofree, Toby Collyer, Will Fish, Isak Hansen-Aaroen, Elyh Harrison, Joe Hugill, Marc Jurado, Willy Kambwala, Charlie McNeill, Dermot Mee, Mateo Mejia, Maxi Oyedele, Logan Pye leh Shola Shoretire te an ni.

Man United hian pre-season-ah kum naupang zawk player an chhawr ṭhin a, season liam taah pawh khan academy player 32 ngawtin senior team an ṭawiawm. Kumin pre season-ah Erik ten Hag-a hote hian match thum an khel tawh a, an chak vek bakah goal an la chhuah lo.

Welsh club Wrexham hi League Two club chauh ni mah se filmstar lar Ryan Reynolds leh Rob McElhenney te club an ni a, US tour neiin friendly match-ah pawh khingpui an nei ṭha ṭhin hle.