India-in West Indies lakah series an la

Nimin khan India leh West Indies ten Test match vawi hnihna an khel zo a, an inhnehtawk. Men in Blue hian match hmasa zawkah hnehna an chang a, Rohit Sharma hoten series 1-0 in an la.

Queen's Park Oval-a inkhelah hian Windies hi ṭhumvawrah an chak a, vawm hmasak an thlang. India batter an che ṭha tlang a, Virat Kohli-a'n 121 runs siamin 438 runs an tlin.

West Indies-in 255 runs-in an chhanglet a, second innings-ah India-in 181 runs an siam tihin wicket hnih chauh an hloh a, an duhtawk. Ruahsurin West Indies a chhan a, mualneitu hian 76/2 runs an siam a, ruahsur vanga ni ngana an khelh theih loh avangin Second Test-ah team pahnih an inhnehtawk. Series erawh First Test-a hnehna chang India-in an la.

India captain Rohit Sharma chuan, "Chak hrim hrim hi a lawmawm dan a danglam. Caribbean-a inkhelh hi a danglam leh a, thil thlen danah kan lawm. Chutihrualin Second Test-a ni ngana kan khel thei lo erawh a pawi ka ti hle," tiin a sawi.

July 27, Ningani aṭangin West Indies leh India ten ODI match thum an khelh tura hmasa ber an khel ang.